«Қызыл қар» жинағына идеялық әрі көркемдік тұрғыдан маңызды «Өліара» мен «Аллажар» повесі кірді. Кезінде екі повесть негізінде көркем фильм түсірілген еді. Екі шығармадағы оқиға арасында жарты ғасырға жуық уақыт болса да, олар революция дәуіріне тән әрі сол дәуірді шынайы суреттейтін өзгермейтін ақиқат туралы сыр шертеді. Бұл — халқы мен отанының болашағы үшін тарихи жауапкершілік жүгін арқалауға бел буған қарапайым адамның батырлығы туралы повестер.