Сергей Бородиннің «Самарқан төбесіндегі жұлдыздар» романы автордың Шығыс халықтарының тарихы, мінез-құлқы мен әдет-ғұрпын терең зерттеуден кейін жазылған туынды. Роман кейіпкері Ақсақ Темір адамзат тарихындағы ең қатыгез жаулап алушылардың бірі, оны Әлем Билеушісі деп те атаған. Оның шиеленісті оқиғаға толы ғұмыры Орта Азия ғана емес, басқа да көптеген елдер тарихында өз ізін қалдырды. Роман оқиғасы ауқымды тарихи уақытты қамтиды. Темір (Тамерлан) Орданың жер қайысқан қолын талқандап, қаншама мемлекеттің бекінісін үйіндіге айналдырды, Үндістан мен Иранның қалаларын басып алды.